ស្វែងយល់ពីជម្រើសគម្រោងធានារ៉ាប់រង ឆ្នាំ 2026 របស់អ្នក ហើយចុះឈ្មោះថ្ងៃនេះ
Skip to content
ត្រលប់ទៅ blueshieldca.com
ទាក់ទងមកយើងខ្ញុំ
បង្កើនទំហំអត្ថបទ បន្ថយទំហំអត្ថបទ
ចុះឈ្មោះឥឡូវ

អ្នកចុះឈ្មោះក្នុងគម្រោង Blue Shield of California Medicare អាចតែងតាំងបុគ្គលណាម្នាក់ (ដូចជា សាច់ញាតិ មិត្តភក្តិ អ្នកតស៊ូមតិ មេធាវី ឬវេជ្ជបណ្ឌិតណាម្នាក់) ឱ្យធ្វើជាអ្នកតំណាងរបស់ខ្លួន និងដាក់ពាក្យបណ្តឹងតវ៉ាជំនួសខ្លួនបាន។

លើសពីនេះ តុលាការអាចផ្តល់សិទ្ធិអំណាចដល់អ្នកតំណាងម្នាក់ឱ្យធ្វើសកម្មភាពស្របតាមច្បាប់រដ្ឋ ដើម្បីដាក់ពាក្យបណ្តឹងតវ៉ាជំនួសអ្នកដែលបានចុះឈ្មោះក្នុងគម្រោង។ អ្នកតំណាងអាចជាអ្នកណាម្នាក់ក្នុងចំណោមអ្នកខាងក្រោម៖

  • អាណាព្យាបាលដែលត្រូវបានតែងតាំងដោយតុលាការ
  • បុគ្គលដែលមានលិខិតប្រគល់សិទ្ធិអំណាច ដែលមានសុពលភាពបន្ត
  • អ្នកតំណាងផ្នែកថែទាំសុខភាព
  • បុគ្គលដែលត្រូវបានចាត់តាំងតាមច្បាប់ស្ដីពីការយល់ព្រមលើការថែទាំសុខភាព
  • អ្នកគ្រប់គ្រងកេរមរតក

ដើម្បីធ្វើការតែងតាំងនេះ ទាំងអ្នកចុះឈ្មោះដែលធ្វើការតែងតាំង និងអ្នកតំណាងដែលទទួលយកការតែងតាំងត្រូវតែចុះហត្ថលេខា ចុះកាលបរិច្ឆេទ និងបំពេញទម្រង់បែបបទតំណាង។

អ្នកតំណាងមិនចាំបាច់បង្កើតទម្រង់បែបបទអ្នកតំណាងក្នុងស្ថានភាពបាត់បង់សមត្ថភាព ឬគ្មានលទ្ធភាពផ្លូវច្បាប់របស់អ្នកចុះឈ្មោះទេ។ ផ្ទុយទៅវិញ ពួកគេត្រូវតែបង្កើតឯកសារផ្លូវច្បាប់សមស្របផ្សេងទៀត ដែលគាំទ្រស្ថានភាពរបស់ពួកគេជាអ្នកតំណាងដែលមានការអនុញ្ញាតរបស់អ្នកចុះឈ្មោះ។

ទម្រង់បែបបទស្ដីពីការតែងតាំងអ្នកតំណាងដែលបានចុះហត្ថលេខា ឬសេចក្ដីជូនដំណឹងជាលាយលក្ខណ៍អក្សរដែលមានតម្លៃស្មើ ត្រូវតែរួមបញ្ចូលដូចខាងក្រោម៖

  • ឈ្មោះសមាជិក ឬអ្នកចុះឈ្មោះក្នុងគម្រោង Medicare
  • អាសយដ្ឋានរបស់សមាជិក ឬអ្នកចុះឈ្មោះក្នុងគម្រោង Medicare
  • លេខទូរសព្ទរបស់សមាជិក ឬអ្នកចុះឈ្មោះក្នុងគម្រោង Medicare
  • លេខបណ្ដឹងទាមទារសំណងនៃការធានារ៉ាប់រងសុខភាព (HICN) របស់សមាជិក ឬអ្នកចុះឈ្មោះក្នុងគម្រោង Medicare
  • លេខសម្គាល់គម្រោង ឬអត្តសញ្ញាណ (លេខសម្គាល់) Medicare របស់សមាជិក ឬអ្នកចុះឈ្មោះក្នុងគម្រោង Medicare
  • ឈ្មោះអ្នកទទួលការតែងតាំង
  • អាសយដ្ឋានរបស់អ្នកទទួលការតែងតាំង
  • លេខទូរសព្ទរបស់អ្នកទទួលការតែងតាំង
  • ស្ថានភាព ឬទំនាក់ទំនងផ្នែកវិជ្ជាជីវៈរបស់អ្នកទទួលការតែងតាំងជាមួយសមាជិក

ទម្រង់បែបបទនេះ ក៏ត្រូវមានសេចក្ដីថ្លែងការណ៍ដែលបញ្ជាក់ថា អ្នកចុះឈ្មោះអនុញ្ញាតឲ្យតំណាងធ្វើសកម្មភាព ជំនួសខ្លួនសម្រាប់បណ្ដឹងទាមទារសំណង។ ទម្រង់បែបបទនេះ ក៏ត្រូវតែរួមបញ្ចូលសេចក្ដីថ្លែងការណ៍ ដែលអនុញ្ញាតឲ្យមានការបង្ហាញព័ត៌មានអត្តសញ្ញាណ ដល់អ្នកតំណាងផងដែរ។ សេចក្ដីជូនដំណឹងនេះ ត្រូវតែចុះហត្ថលេខា និងចុះកាលបរិច្ឆេទដោយអ្នកចុះឈ្មោះដែលតែងតាំង និងអ្នកដែលត្រូវបានតែងតាំងជាតំណាង។ សូមបញ្ចូលសេចក្ដីថ្លែងការណ៍ដែលបញ្ជាក់ថា តំណាងនោះទទួលយកការតែងតាំង។ រាល់បណ្តឹងតវ៉ានីមួយៗត្រូវតែភ្ជាប់មកជាមួយឯកសារគាំទ្រដែលបញ្ជាក់ពីស្ថានភាពជាអ្នកតំណាងដែលទទួលបានការអនុញ្ញាត។

ការតែងតាំងអ្នកតំណាងមានសុពលភាពរយៈពេលមួយឆ្នាំ ចាប់ពីថ្ងៃ ដែលបានចុះហត្ថលេខាដោយទាំងសមាជិក និងតំណាង លុះត្រាតែមានការដកហូតយកសិទ្ធិវិញ។ ដូចគ្នានេះដែរ អ្នកតំណាងមានសុពលភាពសម្រាប់រយៈពេលនៃបណ្ដឹងតវ៉ា។

ច្បាប់ចម្លងរបស់ទម្រង់បែបបទតែងតាំងអ្នកតំណាង ដែលបានចុះហត្ថលេខារួច ត្រូវតែដាក់ជាមួយបណ្ដឹងតវ៉ានាពេលអនាគត ដើម្បីបន្តការតំណាងឱ្យអ្នកចុះឈ្មោះ។ ទម្រង់បែបបទដែលបានថតចម្លង មានសុពលភាពត្រឹមតែមួយឆ្នាំប៉ុណ្ណោះ គិតចាប់ពីថ្ងៃដែលអ្នកចុះឈ្មោះបានចុះហត្ថលេខា។

ប្រសិនបើបណ្ដឹងតវ៉ាណាមួយ ដាក់ជូនរួមជាមួយច្បាប់ចម្លងនៃទម្រង់បែបបទតែងតាំងអ្នកតំណាង ដែលចុះថ្ងៃលើសពីមួយឆ្នាំមកហើយ បណ្ដឹងឧទ្ធរណ៍នោះ នឹងគ្មានសុពលភាពទេ។ អ្នកចុះឈ្មោះត្រូវតែបំពេញទម្រង់បែបបទថ្មីមួយ។  

 

ទម្រង់បែបបទនៃការតែងតាំងអ្នកតំណាង

ទាញយក និងបោះពុម្ពទម្រង់បែបបទជាភាសាដែលអ្នកពេញចិត្ត៖

អ្នកក៏អាចទទួលបានច្បាប់ចម្លងនៃទម្រង់បែបបទតែងតាំងអ្នកតំណាងរបស់មជ្ឈមណ្ឌលសម្រាប់សេវា Medicare និង Medicaid ព្រមទាំងទម្រង់បែបបទពាក់ព័ន្ធផ្សេងទៀតពីគេហទំព័រ Medicare.gov ផងដែរ។
 

ការអនុញ្ញាតឱ្យបង្ហាញព័ត៌មានសុខភាព

Blue Shield ក៏អនុញ្ញាតឱ្យប្រើប្រាស់ទម្រង់បែបបទនៃការអនុញ្ញាតរបស់ខ្លួន ដើម្បីអនុញ្ញាតឱ្យភាគីទីបីចូលប្រើព័ត៌មានសុខភាពរបស់អ្នក ដែលត្រូវបានការពារ (PHI) ផងដែរ។ អ្នកអាចស្វែងរកទម្រង់បែបបទនេះជាភាសាផ្សេងទៀតបានផងដែរ។ 

Blue Shield of California គឺជាគម្រោងធានារ៉ាប់រងសុខភាពប្រភេទ HMO, HMO D-SNP និង PDP ដែលមានកិច្ចសន្យាជាមួយកម្មវិធី Medicare និងកិច្ចសន្យាជាមួយកម្មវិធី California State Medicaid Program។ ការចុះឈ្មោះចូលរួមក្នុងគម្រោង Blue Shield of California អាស្រ័យលើការបន្តសុពលភាពកិច្ចសន្យាជាថ្មី។

Y0118_26_179D1_C 10012026
H2819_26_179D1_C 10012026

ទំព័រនេះបានធ្វើបច្ចុប្បន្នភាពចុងក្រោយនៅថ្ងៃទី៖ 10/05/2026